Իրանի ԱԳ նախարար Աբբաս Արաղչին իր բրիտանացի գործընկեր Դեյվիդ Լամիի հետ հեռախոսազրույցի ընթացքում հիասթափություն է հայտնել «եվրոպական եռյակի» (Մեծ Բրիտանիա, Գերմանիա և Ֆրանսիա) վերջին գործողություններից, մասնավորապես հակաիրանական նոր պատժամիջոցների սահմանման պատճառով։
«Նշելով, որ Իրանի և եվրոպական երեք երկրների պատվիրակությունների միջև արդեն անցկացվել է բանակցությունների չորս փուլ, ԱԳ նախարարը հիասթափություն է հայտնել եվրոպական երկրների և ԵՄ-ի որոշ գործողությունների և ոչ կառուցողական դիրքորոշումների առնչությամբ, մասնավորապես, անհասկանալի պատրվակներով նոր պատժամիջոցների սահմանման՝ կոչ անելով երեք եվրոպական երկրներին վերանայել իրենց մոտեցումներն ու մեթոդները Իրանի նկատմամբ»,-ասվում է Իսլամական Հանրապետության արտաքին գործերի նախարարության տարածած հայտարարության մեջ։
Ինչպես նշել է Արաղչին, մատնանշելով ամերիկացի պաշտոնյաների հակասական հայտարարություններն ու ուղերձները, Իրանը չի հանդուրժում դիվանագիտության կիրառումը որպես քաղաքական և հոգեբանական ճնշման գործիք։
Հետևեք մեզ տելեգրամում
