Վրաստանի ընդդիմադիր «Հանուն փոփոխությունների կոալիցիայի» առաջնորդներից Նիկա Գվարամիան հայտարարել է, որ նախկին վարչապետ, ներկայում «Վրացական երազանք» կուսակցության նախագահ Իրակլի Ղարիբաշվիլիի անձնագիրն առգրավվել են, որպեսզի չկարողանա լքել երկիրը։ Գվարամիան նշել է, թե Ղարիբաշվիլին կապ ունի ԱՄՆ-ի հետ և որոշակի տեղեկություններ է հաղորդում նրանց։
«Ծեծը, անձնագրի խլումը, այս ամենը ճիշտ է։ Ղարիբաշվիլին մի քանի անգամ փորձել է լքել այս երկիրը»,- հայտարարել է ընդդիմադիր առաջնորդը։
Նշենք, որ վերջին ամիսներին ժամանակ առ ժամանակ ընդդիմադիր մեդիայում քննարկվում է Ղարիբաշվիլիի և կուսակցության լարվածության հարցը։ Ամիսներ առաջ տեղեկություններ տարածվեցին, որ Ղարիբաշվիլին ծեծկռտուքից հետո տեղափոխվել էր վնասվածքաբանության բաժանմունք։ Այդ ժամանակ Ղարիբաշվիլին հայտարարել էր, թե մարզման ժամանակ է վնասվածք ստացել։
Հետևեք մեզ տելեգրամում
