Եթե ԱՄՆ-ն հարձակվի Իրանի վրա, Մոսկվան պարտավոր չէ իսլամական երկրի հետ ռազմավարական գործընկերության համաձայնագրի շրջանակում ռազմական օգնություն ցուցաբերել Թեհրանին. այս մասին ասել է ՌԴ ԱԳ փոխնախարար Անդրեյ Ռուդենկոն:
«Իրանի վրա ԱՄՆ-ի հնարավոր հարձակումը կարող է ամենասարսափելի հետևանքներն ունենալ տարածաշրջանի համար: ՌԴ-ն պարտավոր չէ ռազմական օգնություն ցուցաբերել Իրանին՝ երկրի հետ ռազմավարական գործընկերության պայմանագրի շրջանակում, քանի որ սա ռազմական դաշինքի փաստաթուղթ չէ: Բայց ՌԴ-ն կձեռնարկի բոլոր միջոցները հակամարտությունը կարգավորելու համար», – ասել է նա:
Պետդուման այսօր լիագումար նիստում վավերացրել է Ռուսաստանի և Իրանի միջև Համապարփակ ռազմավարական գործընկերության մասին պայմանագիրը։ Ավելի վաղ փաստաթուղթը Պետդումա էր ներկայացվել ՌԴ նախագահի վավերացմանը։
Հետևեք մեզ տելեգրամում
