Իսրայելի բանակը կընդլայնի իր ռազմական գործողությունների շրջանակը Գազայի հատվածում, եթե պաղեստինյան «ՀԱՄԱՍ» շարժումը հրաժարվի ազատ արձակել անկլավում պահվող պատանդներին։ Այս մասին հայտարարել է հրեական պետության պաշտպանության նախարար Իսրայել Կացը։
«Գազայում Իսրայելի քաղաքականությունը, որն իրականացվում է Իսրայելի պաշտպանության հրամանատարության կողմից՝ քաղաքական ղեկավարության աջակցությամբ, պարզ է և միանշանակ. առաջին հերթին ձեռնարկել բոլոր միջոցները՝ ԱՄՆ նախագահի հատուկ բանագնաց Սթիվեն Վիտկովի ծրագրի շրջանակներում բոլոր պատանդներին ազատելու համար, ինչպես նաև պայմաններ ստեղծել «ՀԱՄԱՍ»-ի հետագա ջախջախման համար»,-X-ի իր էջում գրել է Կացը։
«Եթե «ՀԱՄԱՍ»-ը շարունակի հրաժարվել համաձայնագիրն ընդունելուց, ապա իսրայելական զորքերի գործողությունները կընդլայնվեն և կտեղափոխվեն նոր փուլեր»,-գրել է նա։
Հետևեք մեզ տելեգրամում
