Ստամբուլում ռուս միլիարդատեր Ռոման Աբրամովիչին պատկանող առանձնատունը հայտնվել է թուրքական լրատվամիջոցների ուշադրության կենտրոնում: Համացանցի թուրքական տիրույթում հրապարակվել են դրոնից արված կադրեր, որտեղ երևում է Աբրամովիչի շքեղ առանձնատունը: Ըստ տեղեկությունների՝ առանձնատունը գտնվում է Բոսֆորի ափին: Տան մակերեսը 9600 քռմ է, բնակելի տարածքը՝ մոտ 2000 քռմ:
Ուշագրավ է, որ առանձնատունը նախկինում պատկանել է թուրք սկանդալային հեռուստաաստղ Ադնան Օքթարին, ով թուրքական դատարանի որոշմամբ, դատապարտել է ցմահ ազատազրկման՝ բազմաթիվ մեղադրանքներով, որոնց թվում է նաև մանկապղզծությունը:
Գույքի բռնագրավումից հետո առանձնատունը դրվել էր վաճառքի և 2023-ին այն գնել էր ռուս միլիարդատերը, ով Լոնդոնից հետո բնակություն էր հատատել Թուրքիայում: Տան վերանորոգման աշխատանքները տևել են մոտ երկու տարի:
2018-ի հուլիսի 15-ին Ստամբուլի ոստիկանությունը մի շարք շրջաններում գործողություն էր իրականացրել, որի ընթացքում բերման էին ենթարկվել, ապա կալանավորվել Օքթարի օգնականներ Դիդեմ Ուրերին և Օքթար Բաբունան։
Հիշեցնենք, որ Օքարը Թուրքիայում հայտնի է որպես Դարվինի տեսության «թշնամի»։ Նա նույնիսկ 1990թ. ստեղծել էր կազմակերպություն, որը գիտական հարթակում պայքարում էր Դարվինի տեսության դեմ։ Նա մոտ 300 գրքի հեղինակ է, որոնցից ամենահայտնին «Էվոլյուցիայի տեսության տապալումը» խորագրով գիրքն էր։
Հետևեք մեզ տելեգրամում
