Վրաստանի նախկին նախագահ Միխեիլ Սաակաշվիլին ֆեյսբուքյան էջում գրել է, որ «Իվանիշվիլիի ռեժիմը խոչընդոտում է Հայաստանի և Ադրբեջանի միջև հարաբերությունների կարգավորմանը»։
«Հարցն այն է, որ Ադրբեջանը պատմական որոշում կայացրեց պարբերաբար Հայաստանին նավթամթերք մատակարարել, ինչը այս փուլում հնարավոր է միայն վրացական երկաթուղով: Այստեղ այնպիսի սակագին են սահմանել, որ ավելի լավ կլինի դրանից հրաժարվել ամբողջությամբ: Իվանիշվիլին չի կարող չիմանալ, որ ոչ ոք չի կարող նման սակագին վճարել, ուստի այստեղ նպատակը Հայաստան-Ադրբեջան մերձեցումը, Թրամփի միջանցքի քաղաքականությունը խոչընդոտելն է, և ես ուրիշ ոչինչ չգիտեմ՝ նրանք դրանով ուզո՞ւմ են գրավել Թրամփի ուշադրությունը, թե պարզապես կատարում են Մոսկվայի հրահանգները»,-գրել է Սաակաշվիլին։
Ըստ նրա՝ քանի դեռ լրագրողական համայնքը զբաղված է դատարանների և քաղաքական գործիչների ասածների մասին լուրեր հրապարակելով, աշխարհաքաղաքական լուրջ դրամա է ընթանում աչքերի առաջ։
Հետևեք մեզ տելեգրամում
