Թուրքիայի արտգործնախարարությունը հայտարարություն է տարածել Իսրայելի ու ԱՄՆ-ի կողմից Իրանի վրա հարձակման վերաբերյալ։ Հայտարարության մեջ մասնավորապես նշվում է․
«Իսրայելի և ԱՄՆ-ի կողմից Իրանի վրա հարձակմամբ սկսված և Իրանի կողմից երրորդ երկրներին թիրախավորմամբ շարունակվող զարգացումները վտանգի տակ են դնում մեր տարածաշրջանի ապագան և գլոբալ կայունությունը։ Մենք խորապես մտահոգված ենք միջազգային իրավունքին հակասող և անմեղ խաղաղ բնակիչների կյանքը վտանգող բոլոր գործողություններով, դատապարտում ենք բոլոր հրահրումները, որոնք կարող են հանգեցնել բռնության սրման»։
Թուրքիան կոչ է արել կողմերին հնարավորինս շուտ դադարեցնել հարձակումները և ևս մեկ անգամ ընդգծել, որ տարածաշրջանի խնդիրները պետք է լուծվեն խաղաղ ճանապարհով։
«Թուրքիան պատրաստ է ապահովել անհրաժեշտ աջակցություն միջնորդության հարցում։ Համապատասխան երկրներում բնակվող մեր քաղաքացիների անվտանգությունը մեր առաջնահերթությունն է, և այս առնչությամբ ձեռնարկվում են բոլոր անհրաժեշտ միջոցները»,- նշված է Թուրքիայի ԱԳՆ հայտարարության մեջ։
Հիշեցնենք, որ փետրվարի 28-ի վաղ առավոտյան Իսրայելը հարձակվել է Իրանի վրա։ ԱՄՆ-ն համակարգել է Իսրայելի հարձակումը Իրանի վրա և գործողությունը համատեղ ծրագրվել էր ամիսներով։ Այդ մասին հայտնել էր
Իսրայելի պաշտպանության նախարարության ներկայացուցիչը։
Հետևեք մեզ տելեգրամում
