Իրանի արտաքին գործերի նախարար Աբբաս Արաղչին հայտարարել է, որ Ուկրաինան պետք է փոխհատուցի իրանական առևտրային նավին հասցված վնասը: Այս մասին նա հայտնել է Ուկրաինայի ԱԳ նախարարի պաշտոնակատար Անդրեյ Սիբիհայի հետ հեռախոսազրույցից հետո։
Արաղչիի խոսքով՝ Սիբիհան հայտարարել է, որ իրանական նավի վրա հարվածը կանխամտածված չի եղել, և Կիևն իրավիճակի հետագա սրման չի ձգտում։
Իրանի ԱԳ նախարարը նշել է, որ Թեհրանը նույնպես չի ձգտում էսկալացիայի, սակայն ընդգծել է, որ իր քաղաքացիների կամ երկրի շահերի դեմ ցանկացած հարձակում անընդունելի է։
Ավելի վաղ հաղորդվել էր, որ շաբաթ վաղ առավոտյան ուկրաինական ուժերը, ՌԴ-ին զինամթերք մատակարարելու պատճառաբանությամբ, Կասպից ծովում հարվածել են Իրանի դրոշով երթևեկող նավին։ Հարվածի հետևանքով մեկ նավաստի զոհվել է, ևս մեկը՝ վիրավորվել։ Ըստ իրանական կողմի՝ նավը քաղաքացիական բեռ էր տեղափոխում և Ռուսաստանի Աստրախան նավահանգստից ուղևորվում էր դեպի Իրանի Էնզելի նավահանգիստ։
Հետևեք մեզ տելեգրամում
