«The Wall Street Journal»-ը գրում է, որ ChatGPT-ի թարմացված տարբերակում հայտնվել են կենսաբանական զենքի և թունավոր նյութերի ստեղծման վերաբերյալ մանրամասն հրահանգներ։
Ըստ պարբերականի՝ 2026 թվականի սկզբին ԱՄՆ-ում օգտատերերը չաթբոտին հարցրել են, թե ինչպես են փոփոխվում վիրուսները, ստեղծվում թունավոր նյութերն ու տարածվում հարուցիչները։ Որոշ դեպքերում արհեստական բանականությունը նրանց մանրամասն հրահանգներ է տրամադրել։ OpenAI-ի աշխատակիցների խոսքով՝ պատասխանները ներկայացված են եղել այնքան պարզ, որ հասկանալի են եղել անգամ դպրոցականներին։ Փորձագետները ստացված տեղեկատվությունը որակել են որպես «զարմանալիորեն ճշգրիտ»։
OpenAI-ն արգելափակել է նման հարցերով հետաքրքրված օգտատերերի հաշիվները։ Միաժամանակ, ինչպես նշում է «WSJ»-ը, ԱՄՆ-ում չկան դաշնային օրենքներ, որոնք արհեստական բանականության մշակողներին պարտավորեցնում են սահմանափակել նման հարցումները կամ դրանց մասին տեղեկացնել իրավապահ մարմիններին։
Պարբերականը նաև հիշեցնում է, որ OpenAI-ն նախկինում քննադատության էր ենթարկվել այն բանից հետո, երբ մի շարք օգտատերեր ChatGPT-ին ինքնասպանության վերաբերյալ հարցեր էին տվել, իսկ չաթբոտը քննարկել էր այդ թեման նրանց հետ։
Հետևեք մեզ տելեգրամում
