ԱՄՆ նախագահ Դոնալդ Թրամփը հայտարարել է, որ Ռուսաստանն ու Ուկրաինան համաձայնել են դադարեցնել էներգետիկ ենթակառուցվածքների վրա հարձակումները։ Ուկրաինայի նախագահ Վոլոդիմիր Զելենսկին հայտնել է, որ Կիևը պատրաստ է պահպանել նման պայմանավորվածությունը, եթե դրան հետևի նաև Մոսկվան։ Ռուսաստանի կողմից հայտարարության վերաբերյալ արձագանք դեռ չի եղել։ Region Monitor-ի փոխանցմամբ՝ այս մասին հայտնում է «BBC»-ն։
Զելենսկին սկզբում նշել է, որ Թրամփի հայտարարությունն իր համար անակնկալ էր, իսկ ավելի ուշ հայտարարել է, որ Ուկրաինան պատրաստ է չհարվածել Ռուսաստանի էներգետիկ օբյեկտներին։ Միևնույն ժամանակ, Զելենսկու խոսքով՝ Թրամփի հայտարարությունից հետո ռուսական անօդաչու թռչող սարքը հարվածել է Կիևի էլեկտրակայաններից մեկին՝ առաջացնելով հոսանքազրկումներ։ Հարվածներ են հասցվել նաև Խարկովի մարզի էներգետիկ օբյեկտներին։
Էներգետիկ ենթակառուցվածքների վրա հարձակումների դադարեցման առաջարկին աջակցել են Մեծ Բրիտանիան, Ֆրանսիան, Կանադան և Եվրամիությունը։ Սակայն Թրամփի վարչակազմի՝ ռուսական էներգակիրների ներմուծման սահմանափակումները ժամանակավորապես մեղմելու որոշումը քննադատության է արժանացել ինչպես եվրոպացի պաշտոնյաների, այնպես էլ ԱՄՆ մի շարք օրենսդիրների կողմից։ Նրանք կարծում են, որ այդ քայլը կարող է լրացուցիչ եկամուտներ ապահովել Ռուսաստանին՝ Ուկրաինայի դեմ պատերազմը շարունակելու համար։
Հետևեք մեզ տելեգրամում
