Մոսկվայում ադրբեջանցիները հարձակվել են հայերի վրա, մի խումբ ադրբեջանցիներ ձերբակալվել են

ՌԴ մայրաքաղաք Մոսկվայում ադրբեջանցիները հարձակվել են տեղի հայերի վրա։ Ռուսաստանի հայերի միությունը այս առթիվ հետևյալ հրապարակումն է արել․ «Իլհամ Ալիևն ու Բյուլբյուլօղլին ամեն ինչ անում են Ռուսաստանը Սումգայիթի վերածելու համար։ Նրանց օգնող հանցագործները գիշերը ՌԴ մայրաքաղաք Մոսկվայում հարձակվել են հայերի վրա, ընդ որում`ծեծել են նաև մի ադրբեջանցու՝ շփոթելով նրան հայի հետ»։ Նշենք, որ Մոսկվայի իրավապահները ձերբակալել են մի խումբ ադրբեջանցի հանցագործների։

Ռուսաստանի հայերի միության անդամ Դավիթ Տոնոյանն էլ «Facebook»-ում հայտնել է, որ ադրբեջանցիները դանակահարել են իր ծանոթին։ Նա նաև միջադեպի վերաբերյալ տեսանյութեր է հրապարկել։

Ռուսաստանում հայերի միությունը հորդորում է լինել զգոն և չտրվել սադրանքների՝ հիշեցնելով, որ ադրբեջանցիների վայրագությունների մասին տեղեկություններ են գալիս նաև աշխարհի այլ երկրներից։ Արտերկրում բնակվող հայերի և ադրբեջանցիների հարաբերությունները սրվել են հայ-ադրբեջանական սահմանին լարվածության աճի պատճառով։ Բախումներ են տեղի ունեցել Ռուսաստանում, Ֆրանսիայում, ԱՄՆ-ում, Լեհաստանում, Լիտվայում և այլ երկրներում։

https://www.youtube.com/watch?time_continue=1&v=N4oQmfNboJ4&feature=emb_logo