Լիբանանի շրջակա միջավայրի նախարար Դամիանոս Քաթարը հրաժարական է ներկայացրել։ Սա կառավարության կազմում 2-րդ նախարարի հրաժարականն է Բեյրութում տեղի ունեցած ավերիչ պայթյունից հետո։
Ավելի վաղ հրաժարական էր տվել Լիբանանի Տեղեկատվության նախարար Մանալ Աբդել Սամադը, ով իր քայլը կապել է Բեյրութի պայթյունի հետ։
Ակնկալվում է, որ հրաժարական կներկայացնի նաև երկրի էկոնոմիկայի նախարարը։ 7 պատգամավորներ էլ հրաժարվել են մանդատից։ Նրանց թվում է նաև Փոլա Յակուբյանը:
Տեղեկացնենք, որ պայթյունից օրեր անց Լիբանանում վերսկսվել են կառավարության դեմ բողոքի գործողությունները, որոնք օգոստոսի 9-ի երեկոյան վերաճել են անկարգությունների։ Ցուցարարները գրոհել են մի քանի նախարարությունների շենքերը։
Հետևեք մեզ տելեգրամում
