Լիբանանում նոյեմբերի 25-ի երեկոյան իրավիճակն անհանգիստ է եղել: Բեյրութում բանակը և անվտանգության ուժերը կանխել են ցուցարարների և շիայական «Հեզբոլլահ» ու «Ամալ» շարժումների կողմնակիցների միջև բախումները: Վերջինները ժամանել էին Նահատակների հրապարակ և վիրավորական արտահայտություններ հնչեցրել ցուցարարների հասցեին:
Ավելի ուշ կրակոցներ են հնչել Բեյրութի Քոլա շրջանում: Կրակոցները օդ են արձակվել, վիրավորներ չկան:
Իրավիճակը թեժ է եղել նաև Լիբանանի Տիր քաղաքում. «Հեզբոլլահ»-ի և «Ամալ»-ի կողմնակիցները հարձակվել են ցուցարարների վրանների վրա՝ այրելով վրաններ և ծեծելով ցուցարարներին: Երեք տուժած տեղափոխվել է հիվանդանոց: Խաղաղ ցուցարարներին օգնության են հասել զինվորականները՝ իրավիճակը վերցնելով վերահսկողության տակ:
Հետևեք մեզ տելեգրամում
