Լիբանանի խորհրդարան է անցել վեց հայ պատգամավոր

Լիբանանի ներքին գործերի նախարարությունը հայտարարել է, որ ավարտվել են խորհրդարանական ընտրություններում ձայների հաշվարկները:

Ընտրություններին մասնակցել են ընտրելու իրավունք ունեցող քաղաքացիների 41%-ը:

Հաշվարկները ցույց են տալիս, որ «Լիբանանյան ուժեր» կուսակցությունը պարտության է մատնել «Ազատ հայրենասիրական շարժում» քրիստոնեական կուսակցությանը:

Երկուշաբթի կայացած մամուլի ասուլիսի ժամանակ Լիբանանի ներքին գործերի նախարար Բասամ Մաուլաուին հայտարարել է, որ ընտրությունները «բարեհաջող» են անցել, իսկ ընտրախախտումներ շատ քիչ են գրանցվել՝ ի համեմատ ընտրատարածքների թվի:

Նախնական տվյալների համաձայն՝ «Լիբանանյան ուժերը» հաղթել է 20 պատգամավորական մանդատ, մինչդեռ նախորդ ընտրություններում հաղթել էր 15 տեղ:

«Ազատ հայրենասիրական շարժումը» զբաղեցնելու է 16 տեղ խորհրդարանում, սակայն նախկինում ուներ 18 տեղ:

Շիայական «Ամալ» շարժումը զբաղեցնելու է 17, իսկ «Հեզբոլլահը»՝ 13 տեղ: Ուշագրավ է, որ նախորդ ընտրություններում «Հեզբոլլահը» զբաղեցնում էր 71 տեղ:

Իսկ «Մարադա շարժումը», «Քաթաիբ» և «Դաշնակցություն» կուսակցությունները հաղթել են յուրաքանչյուրը պատգամավորական 3-ական մանդատներ, «Առաջադեմ սոցիալիստական կուսակցությունը»՝ 7:

Նշենք, որ հայկական համայնքը ներկայացնող «Դաշնակցություն» կուսակցության կողմից առաջադրված թեկնածուներն են Հակոբ Բագրատունին, Հակոբ Թերզյանը և Ջորջ Փուչիկյանը: