ՌԴ նախագահ Վլադիմիր Պուտինը կմասնակցի Հավաքական անվտանգության պայմանագրի կազմակերպության (ՀԱՊԿ) գագաթնաժողովին, որը տեղի կունենա նոյեմբերի 23-ին Երևանում: Տեղեկությունը լրագրողների հետ զրույցում հաստատել է ՌԴ նախագահի մամուլի քարտուղար Դմիտրի Պեսկովը:
«Կլինի ուղևորություն դեպի Հայաստան` ՀԱՊԿ գագաթնաժողովին», – ասել է Կրեմլի ներկայացուցիչը՝ պատասխանելով նախագահի հաջորդ շաբաթվա ժամանակացույցի մասին հարցին:
Հիշեցնենք, որ Հայաստան է այցելելու նաև ՌԴ արտգործնախարար Սերգեյ Լավրովը։ Նա նոյեմբերի 22-23-ը մասնակցելու է ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհրդի քարտուղարների կոմիտեի համատեղ նիստին։
Հետևեք մեզ տելեգրամում
