Այսօր Լիբանանի խորհրդարանը նիստ է գումարել հանրապետության նախագահ ընտրելու համար:
42 ձայն ստացել է պատգամավոր Միշել Մուավադը: Մինչդեռ շիայական «Հեզբոլլահ» կուսակցությունն ու նրա դաշնակիցները քվեատուփ են նետել 50 դատարկ քվեաթերթիկներ:
«Առաջարկեք մեզ համոզիչ և լուրջ ինքնիշխան թեկնածու, և ես պատրաստ եմ սատարել նրան»,- հայտարարել է Միշել Մուավադը՝ նիստից հետո ելույթ ունենալիս:
Իր հերթին «Հեզբոլլահի» պատգամավոր Ալի Ամմարը նշել է, որ բանակի հրամանատար Ժոզեֆ Աունը լավ օրինակ է հանդիսացել՝ իր կառավարմամբ պաշտպանելով քաղաքացիական խաղաղությունը: Պատգամավորը միևույն ժամանակ հավելել է, որ այս հարցը կապված չէ նախագահական ընտրությունների հետ:
Ավելացնենք, որ հաջորդ հինգշաբթի նախագահական ընտրությունների նոր նիստ է նշանակվել:
Հետևեք մեզ տելեգրամում
