Սաուդյան Արաբիան և Եգիպտոսը վերջին 5 տարիների ընթացքում զենքի և սպառազինությունների խոշորագույն ներկրողների տասնյակում են հայտնվել: Այս մասին հայտնել է Ստոկհոլմի Խաղաղության միջազգային հետազոտական ինստիտուտը (SIPRI):
Հաղորդվել է, որ 2018-2022 թվականների ժամանակահատվածում Սաուդյան Արաբիան զբաղեցրել է երկրորդ հորիզոնականը՝ սպատազինության ներկրման ծավալներով: 2022 թվականին թագավորության սպառազինության գնումները ներառել են ինքնաթիռներ, հակաօդային պաշտպանության համակարգեր, զրահատեխնիկա, հրթիռներ, ռազմածովային զենքեր, սենսորներ և նավեր։
Նշվել է նաև, որ զենքի և սպառազինությունների ներկրման ծավալներով Սաուդյան Արաբիայի հիմնական մատակարարներն են ԱՄՆ-ը (78%), Ֆրանսիան (6,4%) և Իսպանիան (4,9%):
Ինչ վերաբերում է Եգիպտոսին, ապա այն ծանր սպառազինությունների վեցերերոդ խոշորագույն ներկրողն է: Անցած տարվա ընթացքում Եգիպտոսը ձեռք է բերել ինքնաթիռներ, հրթիռներ, ռազմածովային զենքեր, սենսորներ և նավեր։
SIPRI-ի տվյալներով՝ Ռուսաստանից Եգիպտոս զենքի արտահանումն աճել է 44%-ով՝ համեմատելով 2013-2017 և 2018-2022 թվականների երկու ժամանակաշրջանների տվյալները: Այս առումով Եգիպտոսը դարձել է Ռուսաստանից զենք ներկրորղ երրրոդ խոշոր երկիրը:
Եգիպտոսի սպառազինության ներկրման հիմնական մատակարարներն են Ռուսաստանը (34%), Իտալիան (19%) և Ֆրանսիան (19%):
Հետևեք մեզ տելեգրամում
