Իրանական «Khabaronline» լրատավական կայքը հրապարակել է իրանցի փորձագետ Համիդ Հաջիզադեի հոդվածը, որտեղ հեղինակը նախ անդրադարձ կատարելով 44-օրյա պատերազմին, նշել է, որ այս պատերազմի ընթացքում Իրանի որոշ պաշտոնյաներ ադրբեջանամետ էին, և երբեք չէին մտածում, որ այս պատերազմը ոչ միայն կհանգեցնի աշխարհաքաղաքական փոփոխությունների, այլև դրա հետևանքները կվնասեն Իրանի ազգային շահերին։
Մատնանշելով հարավկովկասյան հակամարտությունում Թուրքիայի ներգրավվածությունը և Ադրբեջանի հետ Իսրայելի շատ սերտ հարաբերությունները՝ հեղինակը ընդգծել է, որ այս ճգնաժամը կարող է դուրս գալ Ղարաբաղի հարցից, և վերաճել սահմանների և կապի ուղիների ձևափոխության, ինչը թույլ կտա Թուրքիային ուղիղ կապ հաստատել թյուրքախոս երկրների հետ։
Հեղինակը կարծիքով՝ եթե այսպես կոչված «Զանգեզուրի միջանցքը» լինի, ապա Թուրքիան և ՆԱՏՕ-ն ուղիղ ելք կունենան դեսպի Կասպից ծով, ինչը կխաթարի Կասպից ծովի անվտանգությունը և կմեծանա ոչ տարածաշրջանային ուժերի ներկայությունը, որը բնականաբար, լուրջ վտանգ է Իրանի ազգային շահերի, ինչպես նաև Ռուսաստանի և Չինաստանի անվտանգությանը։
Հոդվածի եզրափակիչ մասում հեղինակը նշել է․ «Նոյեմբերի 9-ի համաձայնագրի որոշ կետերի երկիմաստությունները թույլ են տալիս Ադրբեջանին առաջ տանել սեփական պահանջները՝ առաջ քաշելով միջանցքի ստեղծման հարցը։ Մյուսի կողմից, այս իրավիճակը ռուսներին ստիպում է խաղաղության ու անվտանգության պահպանման պատրվակով արդարացնել իրենց ներկայությունը Հարավային Կովկասում։ Անշուշտ, ուկրաինական պատերազմի հետևանքով նվազել է Ռուսաստանի ներկայությունը այս տարածաշրջանում, իսկ Թուրքիան փորձում է ամրապնդել իր դիրքերը Կովկասում՝ շանտաժի ենթարկելով Ռուսաստանին, որը գտնվում է արևմտյան պատժամիջոցների տակ։ Իսրայելը իր խաղն է շարունակում։
Հետևեք մեզ տելեգրամում
