Թյուրքական աշխարհին միավորելու համար Թուրքիան առաջ է տանում «Զանգեզուրի միջանցքի» ծրագիրը: Այս մասնի գրում է Կովկասի հարցերով իրանցի փորձագետ Մեհդի Թաբրիզի իրանական «Ջավան» օրաթերթում հրապարակված հոդվածում:
Ըստ փորձագետի՝ Թուրքիան թյուրքալեզու երկրներին միավորելու և կայսրություն ստեղծելու ցանկություններ ունի, որի հիմնական խոչընդոտներն Իրանն ու Հայաստանն են: Այս համատեքստում Թաբրիզին համոզմունք է հայտնել, որ Թուրքիայի աջակցությամբ Բաքուն փորձում էր, Լաչինի միջանցքը փակելով ու 120000 հայերին պատանդ վերցնելով, Հայաստանին ստիպել բացել «Զանգեզուրի միջանցքը»:
Թաբրիզիի կարծիքով՝ Էրդողանի վերընտրմամբ Կովկասում լարվածության նոր փուլ է սկսվել: Հաքան Ֆիդանին արտգործնախարար նշանակելը ցույց է տալիս, որ Սիրիայի ու Հարավային Կովկասի հարցում Թուրքիան ավելի ագրեսիվ մոտեցում է ունենալու, իսկ Ֆիդանը հայտնի է նաև իր հակաիրանական ծրագրերով:
«Խորհրդարանում ազգայանականների դաշինքի հաղթանակը ևս նշանակում է, որ առաջիկայում Իրանի ու Թուրքիայի հարաբերություններում կարող է լարվածություն լինել, քանի որ խորհրդարանի նախագահ Բահչելին ևս հայտնի է հակաիրանական անցյալով, մասնավորապես՝ անջատողականներին աջակցությամբ»,- գրել է հեղինակը:
Համաձայն Թաբրիզիի՝ «Զանգեզուրի միջանցքի» վերաբերյալ Էրդողանի վերջին հայտարարությունը ցույց է տալիս Հարավային Կովկասում Իրանի ու Թուրքիայի հակասությունները:
«Էրդողանի հայտարարությունից օրեր անց էլ Ալիևը Հայաստանին էր սպառնացել, իսկ իրականում այդ սպառնալիքի հասցեատարը ևս Իրանն էր՝ որպես տարածաշրջանում աշխարհաքաղաքական փոփոխությանը հիմնական ընդդմացող և Հայաստանի աջակից»,- գրել է փորձագետը:
Հետևեք մեզ տելեգրամում
