Քուվեյթը հայտարարել է, որ երկրում արգելվում է ցուցադրել «Բարբի« ֆիլմը՝ «հանրային էթիկան և սոցիալական ավանդույթները» պաշտպանելու համար:
Երեկ երեկոյան Քուվեյթի տեղեկատվության նախարարության խոսնակը հայտարարել է, որ ֆիլմը ներկայացնում է «գաղափարներ և համոզմունքներ, որոնք խորթ են Քուվեյթի հասարակությանը և հասարակական կարգին»:
Նախարարությունը նաև արգելել է ավստրալիական կինոարտադրության սարսափ ժանրի՝ «Խոսիր ինձ հետ» ֆիլմի ցուցադրությունը՝ նմանատիպ հիմնավորմամբ:
Նշենք, որ երեկ Լիբանանի մշակույթի նախարարը խնդրել է երկրի ներքին գործերի նախարարությանը՝ ձեռնարկել անհրաժեշտ միջոցառումները կանխելու երկրում «Բարբի» ֆիլմի ցուցադրութունը:
Լիբանանի մշակույթի նախարարի խոսքով՝ ֆիլմը «խթանում է համասեռամոլությունը և տրանսսեքսուալությունը… աջակցում է հոր խնամակալության մերժմանը, խաթարում և ծաղրում է մոր դերը և կասկածի տակ դնում ամուսնության և ընտանիք ունենալու անհրաժեշտությունը»:
Լիբանանի գրաքննության կոմիտեին հանձնարարվել է վերանայել ֆիլմը և առաջարկություն ներկայացնել՝ ցուցադրության առնչությամբ:
Հետևեք մեզ տելեգրամում
