ԱՄՆ-ն աշխատում է պատանդների ազատ արձակման շուրջ գործարքի ուղղությամբ, որը նախատեսելու է 6-շաբաթյա հրադադար: Այս մասին հայտարարել է ԱՄՆ նախագահ Ջո Բայդենը:
«ԱՄՆ-ն աշխատում է Իսրայելի և ՀԱՄԱՍ-ի միջև պատանդների փոխանակման գործարքի վրա, որը Գազայում կայուն ժամանակաշրջան կապահովի առնվազն վեց շաբաթով: [Խմբ.՝ Այդ ընթացքում] Մենք կարող ենք ժամանակ տրամադրել ավելի կայուն բան կառուցելու համար», – հայտարարել է Բայդենը:
ԱՄՆ նախագահը հավելել է, որ, չնայած «բացերի, գործարքի հիմնական տարրերը սեղանի վրա են»:
«Միացյալ Նահանգները կանի հնարավոր ամեն ինչ, որպեսզի դա տեղի ունենա»,- ասել է նա։
Նշենք,որ այսօր Իսրայելի Մոսադի ղեկավար Դավիդ Բառնեայի գլխավորած պատվիրակությունը մեկնել է Կահիրե՝ պատանդների ազատ արձակման շուրջ բանակցություններ վարելու համար:
Հետևեք մեզ տելեգրամում
