Հայտնաբերվել են Իրանի նախագահին տեղափոխող ուղղաթիռի բեկորները. ամենայն հավանականությամբ նախագահն ու ԱԳ նախարարը ողջ չեն

Իրանում փրկարարները հայտնաբերել են նախագահ Էբրահիմ Ռաիսիին տեղափոխող ուղղաթիռը։ Հայտնվում է, որ ամենայն հավանականությամբ բոլոր ուղեւորները զոհվել են։

Վթարի հետևանքով ուղղաթիռն ամբողջությամբ այրվել է։

Իրանի նախագահի որոնողական աշխատանքները տևել են ավելի քան 11 ժամ։ Ուղղաթիռը հայտնաբերվել է Տավալ գյուղից 30 կիլոմետր հեռավորության վրա։ Ներկայումս այնտեղ աշխատում է 73 փրկարարական ջոկատ՝ մասնագիտացված տեխնիկայով։

Նշենք, որ երեկ Իրանի լեռներում կործանվել էր ուղղաթիռը, որում եղել են Իրանի նախագահ Էբրահիմ Ռաիսին և արտգործնախարար Հոսեյն Ամիր Աբդոլլահիանը: