Թուրքիայում մեկօրյա սուգ է հայտարարվել ի զորակցություն Իրանի ժողովրդին։ Այդ մասին հայտարարել է Թուրքիայի նախագահ Ռեջեփ Էրդողանը կառավարության նիստից հետո։
«Իրանը մեր սահմանակից հարևանն է, Իրանի ժողովուրդը մեր եղբայրն է։ Դարեր շարունակ նույն աշխարհագրությունն են կիսում, խաղաղությամբ կողք-կողքի ենք գործում։ Առևտրից մինչև էներգետիկա, տրանսպորտից մինչև տուրիզմ, անվտանգությունից մինչև ահաբեկչության դեմ պայքար բազմաչափ համագործակցության լայն շրջանակ ունենք», – նշել է Էրդողանը և հավելել․
«Իրանի ժողովրդի խորը ցավը կիսելու համար որոշել ենք մեկօրյա ազգային սուգ հայտարարել մեր երկրում»։
Թուրքիայի նախագահն ավելի վաղ հեռախոսազրույց է ունեցել Իրանի նախագահի պաշտոնակատար Մուհամեդ Մուհբիրի հետ, ցավակցություններ հայտնել։
Հետևեք մեզ տելեգրամում
