Ադրբեջանը չի կարող պահանջ ներկայացնել Հայաստանին՝ Սահմանադրության փոփոխությունը խաղաղության պայմանագրի ստորագրման հետ փոխկապկցելով:Այս մասին լրագրողների հետ ճեպազրույցում հայտարարել է Հայաստանի փոխարտգործնախարար Պարույր Հովհաննիսյանը։
Ընդգծելով, որ Սահմանադրության փոփոխությունը Հայաստանի ներքին գործն է ու գործընթացը սկսվել է շատ ավելի վաղ՝ Հովհաննիսյանը միևնույն ժամանակ շեշտել է՝ Հայաստանի Սահմանադրությունը փոփոխության կարիք ունի, սակայն դա չի կարող լինել այլ երկրի ճնշման տակ։
«Ադրբեջանը չէ, որ պետք է Հայաստանին ներքին օրակարգ թելադրի», – «Ազատության» հարցին ի պատասխան ասել է փոխարտգործնախարարը։
Հովհաննիսյանը վերահաստատել է Հայաստանի դիրքորոշումը՝ տարածաշրջանում պետք է հաստատվի խաղաղություն։
«Դրան է ուղված թե՛ «Խաղաղության խաչմերուկը», թե՛ մեր մոտեցումները բանակցային պրոցեսին, մենք շատ լուրջ ենք վերաբերվում դրանց՝ առանց որևէ նախապայմանների, և, կարծում եմ, որ միջազգային գործընկերները բազմիցս դա նշում են»,- շեշտել է Հովհաննիսյանը։
Հետևեք մեզ տելեգրամում
