Իսրայելական «Jerusalem Post» պարբերականում հոդված են հրապարակել՝ կարծիք հայտնելով, որ Իսրայելը հիմա պետք է ճանաչի Հայոց ցեղասպանությունը:
Նշվել է, որ ցեղասպանության ճանաչման բացակայությունը հարաբերություններում լարվածություն է առաջացնում:
Շեշտվել է, որ ներկայումս Թուրքիան Իսրայելի դաշնակիցը չէ և մոտ ապագայում հեռու է Իսրայելի բարեկամը լինելուց՝ հատկապես Անկարայի կողմից ՀԱՄԱՍ-ին աջակցող պնդումներից հետո: Ուստի այս համատեքստում Հայոց ցեղասպանության ճանաչումից խուսափելը Թուրքիայի հետ դիվանագիտական ճակատում շահերի բախում չէ:
Նշվել է, թե Իսրայելը մի երկիր է, որը կազմված է ցեղասպանություն, ջարդեր և տանջանքների ենթարկված մարդկանցից և պետք է միանշանակ ճանաչի Հայոց ցեղասպանությունը:
Անդրադարձ է կատարվել նաև ադրբեջանամետ այն հեղինակների տեսակետներին, որոնք փորձում են Հայաստանին ներկայացնել որպես ադրբեջանցիների դեմ իրականացված վայրագությունների պատասխանատու՝ առաջացնելով ցեղասպանության մեղադրանքների շուրջ բազմաթիվ շերտեր:
«Եթե Իսրայելը ցանկանում է միջազգային հարթակում ճանաչվել որպես ողջախոհության և օրինական բարոյականության կրող, նա պետք է անի բարոյականը և ճանաչի Հայոց ցեղասպանությունը»,- նշված է հոդվածում:
Հետևեք մեզ տելեգրամում
