Պուտինը կմեկնի Ադրբեջան

ՌԴ նախագահ Վլադիմիր Պուտինը պետական այցով կմեկնի Ադրբեջան։ Տեղեկությունը հայտնում է Կրեմլի մամուլի ծառայությունը՝ հավելելով, որ Պուտինն Ադրբեջանում կգտնվի օգոստոսի 18-19-ը։

«Բանակցությունների ընթացքում քննարկվելու են ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացման հարցեր։ Քննարկվելու են նաև միջազգային և տարածաշրջանային հրատապ խնդիրներ»,- ասված է հաղորդագրությունում։

Այցի արդյունքներով նախատեսվում է ընդունել պետությունների ղեկավարների համատեղ հայտարարություն, ստորագրել միջկառավարական և այլ փաստաթղթեր: