Իրանի նախագահ Մասուդ Փեզեշքիանը Հայաստանի Անկախության օրվա առթիվ շնորհավորական ուղերձներ է հղել ՀՀ նախագահին և վարչապետին։
ՀՀ նախագահ Վահագն Խաչատուրյանին հղած իր ուղերձում Փեզեշքիանը վստահություն է հայտնել, որ երկու բարեկամ և հարևան երկրների միջև հարաբերությունները առաջիկա տարիներին կխորանան տարբեր ուղղություններով` ռազմավարական նպատակներին համապատասխան, և երկու երկրների ժողովուրդները կօգտվեն դրանց արդյունքներից։
ՀՀ վարչապետ Նիկոլ Փաշինյանին ուղղված շնորհավորական ուղերձում Իրանի նախագահն ընդգծել է, որ Իրանն առաջին երկրներից է, որը ճանաչել է Հայաստանի Հանրապետության անկախությունը, և այդ օրվանից երկու երկրները լավ հարևաններ են միմյանց հետ:
«Երկու երկրների հարաբերությունները բազմակողմ են, ամուր ու կայուն, և որ այդ հարաբերությունները օրեցօր զարգանում են»,- ասված է ուղերձում:
Հետևեք մեզ տելեգրամում
