Եգիպտոսում ՀՀ դեսպան Հրաչյա Փոլադյանը դիվանագիտական առաքելությունն ավարտելու կապակցությամբ հրաժեշտի հանդիպումներ է ունեցել Ղպտի ուղղափառ եկեղեցու առաջնորդ, Ալեքսանդրիայի Պապ և Սբ. Մարկոսի աթոռի պատրիարք Թավադրոս Երկրորդի և Ալ-Ազհարի Գերագույն Իմամ, շեյխ Ահմեդ Մուհամմադ Ալ-Տայիբի հետ։ Այս մասին տեղեկացնում է Եգիպտոսում ՀՀ դեսպանությունը:
Հանդիպումների ընթացքում դեսպան Փոլադյանը շնորհակալություն է հայտնել Թավադրոս Երկրորդին և Շեյխ Ալ-Տայիբին՝ վերջին տարիների ընթացքում հայկական կողմի հետ ծավալած արդյունավետ համագործակցության համար՝ հույս հայտնելով, որ այն կլինի շարունակական և առավել կընդլայնվի։
Եգիպտացի կրոնական առաջնորդները հայտնել են Հայաստանի և Կահիրեում ՀՀ դեսպանության հետ համագործակցության հետագա խորացման իրենց պատրաստակամության մասին՝ դեսպան Փոլադյանին հաջողություններ մաղթելով հետագա գործունեության մեջ։
Հետևեք մեզ տելեգրամում
