ՌԴ նախագահ Վլադիմիր Պուտինը հայտարարել է, որ Ռուսաստանի և Հայաստանի միջև այս տարվա առաջին տասնամյակում առևտրաշրջանառությունը հասել է 8,2 միլիարդ դոլարի:
«Եթե նման տեմպերով շարժվենք, ապա դա նշանակում է, որ այս տարվա առևտրաշրջանառությունը կարող է կազմել 14-16 միլիարդ դոլար: Դա ռեկորդային ցուցանիշ է»,- հայտարարել է ՌԴ նախագահը՝ ԱՊՀ պետությունների ղեկավարների խորհրդի հերթական նիստի շրջանակում:
«Ռուսաստանը Հայաստանի տնտեսության մեջ արտասահմանյան առաջատար ներդրողն է` շուրջ 4 մլրդ դոլար են կազմել ներդրումները: Եվ ինչ տեղի է ունենում միջկառավարական հանձնաժողովի և գործարար խորհրդի շրջանակում` տալիս է համապատասխան լավ արդյունք»,- ասել է Պուտինը:
Իր հերթին ՀՀ վարչապետ Նիկոլ Փաշինյանը շեշտել է, որ վերջին ամիսների ընթացքում Երևանի և Մոսկվայի միջև բավականին ակտիվ քաղաքական երկխոսություն է տեղի ունեցել:
«Հոկտեմբերի սկզբին Երևանում տեղի է ունեցել Եվրասիական միջկառավարական խորհրդի նիստը, որի շրջանակում բավականին մանրամասն քննարկել ենք մեր համագործակցությանը վերաբերող հարցեր Ռուսաստանի Դաշնության Կառավարության նախագահ Միխայիլ Վլադիմիրի Միշուստինի հետ»,- ասել է Փաշինյանը:
Հետևեք մեզ տելեգրամում
