Մեկ տարվա հետապնդումից հետո Իսրայելի զինված ուժերը սպանեցին ՀԱՄԱՍ-ի նոր առաջնորդ Յահյա Սինվարին՝ Գազայում ձեռնակված ռազմական գործողությունների արդյունքում:
Համաձայն նախնական հրապարակված տեղեկատվության՝ Սինվարի մահը քաղաքական սպանություն չէր, այլ իսրայելական հատուկ ուժերի գործողությունների արդյունքում մահացու վիրավորման արդյունք: Մարտերն ընթանում էին Ռաֆայում՝ Թել ալ-Սուլթան հատվածում:
Սինվարի մահվան պաշտոնական հայտարարությունից հետո Իսրայելի պաշտպանության բանակը տեսանյութ է տարածել, որտեղ ներկայացվում է, թե ինչպես է տեղի ունեցել նրա սպանությունը: Սինվարը ծանր վիրավորում է ստացել ռմբակոծության արդյունքում, երբ իսրայելական զինված ուժերն ԱԹՍ էին արձակել տան ուղղությամբ՝ փորձելով պարզել, թե ով է գտնվում ներսում: Ըստ տեսանյութի՝ Սինվարը փորձել է խոցել ԱԹՍ-ն՝ փայտով հարվածելով դրան: Այն շենքը, որտեղ ապրում էր Սինվարը, պաշարված էր, իսկ նրա դիակի վրա հայտնաբերվել է նռնակներով լցված զինվորական բաճկոն։
Յահյա Սինավրի սպանությունը շատ հարցեր է առաջացնում ՀԱՄԱՍ-ի ապագայի, ինչպես նաև պատերազմի շարունակության առնչությամբ, քանի որ Սինվարը ՀԱՄԱՍ-ի ամենազդեցիկ դեմքերից էր: ՀԱՄԱՍ-ն առերեսվելու է մարտահրավերների՝ նոր առաջնորդի ընտրության համատեքստում: Իսրայելի զինած ուժերը սպանել են նաև այն գործիչներին, որոնք, հավանական է, փոխարինեին Սինվարին. Իսմայիլ Հանիեն և Սալեհ Ալ Առուռին:
Իսրայելի վարչապետ Բենիամին Նեթանյահուն ընդգծել է, որ Սինվարի սպանությունը «կարևոր» քայլ է, որը, սակայն, չի նշանակում պատերազմի ավարտ:
Հետևեք մեզ տելեգրամում
