Բելառուսի նախագահ Ալեքսանդր Լուկաշենկոն շնորհավորել է Ռեջեփ Թայիփ Էրդողանին Թուրքիայի Հանրապետության հիմնադրման 101-ամյակի կապակցությամբ։
Այս մասին հայտնել է Բելառուսի ղեկավարի մամուլի ծառայությունը։
«Մեծ հաճույքով եմ հիշում այս տարվա հուլիսին Աստանայում մեր բովանդակալից հանդիպումը, ես պատրաստ եմ շարունակել երկկողմ շփումները և երախտագիտությամբ կօգտվեմ Թուրքիա պաշտոնական այց կատարելու ձեր հրավերից»,- նշել է Բելառուսի նախագահը։
Վերջինիս խոսքով՝ Մինսկին և Անկարային կապում են բազմաթիվ հետաքրքիր նախագծեր տարբեր ոլորտներում՝ առևտրից և ներդրումներից մինչև հումանիտար ոլորտ:
Նա Էրդողանին մաղթել է հաջողություններ քաղաքական գործունեության մեջ, իսկ բարեկամ թուրք ժողովրդին՝ խաղաղ երկինք, միասնություն ու բարգավաճում։
Հետևեք մեզ տելեգրամում
