Թրամփ, թե՞ Հարրիս․ ում են ուզում թուրքերը տեսնել ԱՄՆ նախագահի պաշտոնում

Նոյեմբերի 5-ին կկայանան ԱՄՆ նախագահական ընտրությունները, որոնք մեծ նշանակություն ունեն նաև Թուրքիայի համար։ Ինչպես հայտնի է նախագահի պաշտոնի համար կպայքարեն դեմոկրատ Քամալա Հարիսը և հանրապետական Դոնալդ Թրամփը։

Այս համատեքստում թուրքական մամուլում, ինչպես նաև վերլուծական շրջանակներում ակտիվորեն քննարկվում է այն հարցը, թե որ թեկնածուն է ձեռնտու Անկարայի համար, հաշվի առնելով վերջին տարիներին թուրք-ամերիկյան հարաբերությունների բնույթը։ Ընտրություններին ընդառաջ, «MetroPOLL» հետազոտական ընկերությունը  ուշագրավ սոցհարցում է անցկացրել Թուրքիայի բնակչության շրջանում, փորձելով պարզել, թե թուրքերը, որ թեկնածուին են իրենց նախապատվությունը տալիս։

Հարցմանը մասնակցել է 1483 մարդ։ 32․6 տոկոսը նախապատվությունը տվել է Դոնալդ Թրամփին, 24․7 տոկոսը՝ Քամալա Հարրիսին։

Կազմակերպությունը նաև պարզել է, թե  թեկնածուներին նախապատվությունը տված անձինք, Թուրքիայում գործող, որ կուսակցությունների համախոհներ են։

Իշխող «Արդարություն և զարգացում» (AKP-ԱԶԿ) կուսակցության օգտին քվեարկածների  32,3 տոկոսը նախապատվությունը տվել է Թրամփին, իսկ 22․5-ը Հարրիսին։

Իշխող կուսակցության դաշնակից համարվող «Ազգայնական շարժում» (MHP-ԱՇԿ) կուսակցության օգտին քվեարկածների 37,4-ը նախապատվությունը տվել է Թրամփին, 23 տոկոսը՝ Հարրիսին։

Գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) կուսակցության օգտին քվեարկածների 31․7 տոկոսը նախապատվությունը Թրամփին, իսկ 23 տոկոսը՝ Հարրիսին