Վայմարի եռանկյունու անդամ երկրներ Գերմանիան, Լեհաստանը և Ֆրանսիան համատեղ հայտարարությամբ պահանջել են արագ հետաքննել Վրաստանում խորհրդարանական ընտրությունների ժամանակ ենթադրյալ խախտումները, ինչպես նաև կոչ են արել այդ երկրի իշխանություններին չեղարկել օրենքները, որոնք չեն համապատասխանում «եվրոպական արժեքներին»։ Համապատասխան հայտարարությունը տարածել է Ելիսեյան պալատի մամուլի ծառայությունը։
Երեք երկրների ղեկավարները իրենց աջակցությունն են հայտնել Վրաստանի բնակչության եվրոպական ձգտումներին, երկրում խաղաղ հավաքների ազատությանը, ինչպես նաև կոչ են արել բոլոր քաղաքական ուժերի ու քաղաքացիական հասարակության ներկայացուցիչների հետ երկխոսություն սկսել։ Նրանք հիշեցրել են Եվրոպական խորհրդի այն հայտարարությունը, որ «Վրաստանը շեղվում է եվրոպական ուղուց»։
«Եթե Վրաստանը չփոխի ուղին՝ ցուցադրելով բարեփոխումներ անելու կոնկրետ քայլեր, մասնավորապես, չեղարկել վերջերս ընդունած օրենքները, որոնք հակասում են եվրոպական արժեքներին և սկզբունքներին, մենք չենք կարողանա աջակցել Եվրամիությանն անդամակցելու շուրջ բանակցություններին»,-նշված է հայտարարության մեջ։
Հետևեք մեզ տելեգրամում
