Մեծ Բրիտանիայի և Իրաքի հնագետների միջազգային խումբը հայտնաբերել է Ալ-Կադիսիայի ճակատամարտի վայրը, որը տեղի է ունեցել մ.թ. 637 թվականին։ Այդ ճակատամարտը վճռական հաղթանակ էր արաբ մուսուլմանների համար՝ Արաբիայի սահմաններից դուրս իսլամը տարածելու գործում: Մինչ այժմ անհայտ էին այս պատմական ճակատամարտի ստույգ կոորդինատները։ Հետազոտությունը հրապարակվել է Antiquity գիտական ամսագրում։
Նոր աշխատանքում գիտնականներն օգտագործել են գաղտնազերծված պատկերներ, որոնք 1970-ականներին արվել են ամերիկյան լրտեսական արբանյակների կողմից։
Թիմը տիեզերական հետախուզության տվյալները զուգադրել է ժամանակակից նկարների և պատմական տեքստերի հետ, որպեսզի ստույգի որոշի ճակատամարտի տեղը։
Վերլուծության համաձայն՝ ճակատամարտը տեղի է ունեցել Իրաքի Ալ-Կուֆա քաղաքից 30 կիլոմետր հեռավորության վրա։ Դաշտային հետազոտության ընթացքում հնագետները հայտնաբերել են ավելի քան ինը կիլոմետր երկարությամբ կրկնակի պատ։ Այն կապում էր անապատի եզրին գտնվող ամրությունները և հարավային Միջագետքի ողողադաշտի ծայրին գտնվող խոշոր բնակավայրը։
Բացահայտումը շատ համապատասխան էր Ալ-Կադիսիյայի ճակատամարտին վերաբերող պատմական ապացույցներին:
Հետևեք մեզ տելեգրամում
