Իրանը այլևս հաշվի չի առնի միջուկային ծրագրի հարցով կամավոր ստանձնած սահմանափակումները և կարագացնի ուրանի՝ ցանկալի մակարդակի հարստացման գործընթացը։ Դա անում է ի պատասխան Ատոմային էներգիայի միջազգային գործակալության (ՄԱԳԱՏԷ) Կառավարիչների խորհրդի ընդունած հակաիրանական բանաձևի։ Այս մասին հայտարարել է Իրանի Մեջլիսի Ազգային անվտանգության անդամ Մոհամմադ Ռեզա Մոհսենի Սանին։
«Եթե այս պահին Իրանը հետևում է ստանձնած մի քանի կամավոր սահմանափակումների, ապա շուտով դրանց այլևս չի հետևի։ Եվ մենք մոտ ժամանակներս կհասնենք հարստացման ցանկալի արդյունքի»,-ILNA գործակալությանը տված հարցազրույցի ժամանակ ասել է պատգամավորը՝ հավելելով, որ Իրանի դեմ պատժամիջոցները նպաստել են ինքնազարգացմանը, որն այժմ կարելի է տեսնել ինչպես հրթիռային, այնպես էլ միջուկային արդյունաբերության մեջ։
Նոյեմբերի 21-ին ՄԱԳԱՏԷ-ի Կառավարիչների խորհուրդն ընդունեց արևմտյան բանաձև, որով Իրանին քննադատում է կազմակերպության հետ իբր անբավարար համագործակցության համար։
Հետևեք մեզ տելեգրամում
