Նոյեմբերի 24-ին Թուրքիայի և Ռուսաստանի նախագահները հեռախոսազրույց են ունեցել, որի ընթացքում քննարկել են Թուրքիայի և Ռուսաստանի երկկողմ հարաբերությունները, տարածաշրջանային և համաշխարհային հարցեր։
Թուրքիայի նախագահը նշել է, որ նպատակ ունեն բազմաթիվ ոլորտներում զարգացնել համագործակցությունը՝ հատկապես առևտրաշրջանառության ընդլայնման ուղղությամբ։ Էրդողանն ասել է, որ Թուրքիան տարածաշրջանի լարվածություններին վերջ դնելու համար շարունակում է իր ջանքերը և պատրաստ է նպաստել խաղաղության գործընթացներին։
Կրեմլի փոխանցմամբ, այս հեռախոսազրույցը հոկտեմբերի 23-ին Կազանի զրույցի շարունակությունն է։ Պուտինն ու Էրդողանը քննարկել են երկկողմ օրակարգի ընթացիկ հարցեր՝ շեշտը դնելով առևտրատնտեսական համագործակցության արդյունավետության բարձրացման վրա։
«Հաշվի առնելով դա՝ կապերը կշարունակվեն համապատասխան գերատեսչությունների միջև։ Շոշափվել են նաև մի շարք միջազգային թեմաներ»,-ասված է Կրեմլի տարածած հայտարարության մեջ։
Հետևեք մեզ տելեգրամում
