Վրաստանի կառավարությունը լիովին հավատարիմ է եվրոպական արժեքներին. Վրաստանի վարչապետ

Վրաստանի վարչապետ Իրակլի Կոբախիձեն, անդարադառնալով Վրաստանում տեղի ունեցող զարգացումներին, հայտարարել է, որ կառավարությունը լիովին հավատարիմ է եվրոպական արժեքներին և եվրաինտեգրման գործընթացին։

Նա նշել է, որ Վրաստանը նախատեսում է 2028 թվականին ավարտել Ասոցացման համաձայնագրի և ազատ առևտրի շրջանակներում ստանձնած պարտավորությունների 90%-ը, իսկ 2030 թվականին լինել լիովին պատրաստ ԵՄ անդամակցության։

Կոբախիձեն ընդգծել է, որ կառավարությունը որոշել է մինչև 2028 թվականը չսկսել ԵՄ անդամակցության բանակցություններն ու հրաժարվել ԵՄ բյուջետային դրամաշնորհներից՝ խուսափելու համար արտաքին շանտաժից և հասարակության պառակտումից։

Նրա խոսքով՝ բանակցությունների պաշտոնական մեկնարկը չի արագացնում անդամակցության գործընթացը, ինչը հաստատվում է Մոնտենեգրոյի, Սերբիայի և Թուրքիայի փորձով։ Նա հավելել է, որ այս որոշումները թույլ կտան պաշտպանել երկիրը և հասարակությունը արտաքին ճնշումներից։

Կոբախիձեն նաև խոսել է բողոքի վերջին ակցիաների մասին՝ դատապարտելով դրանց ընթացքում տեղի ունեցած բռնությունները։

Նա նաև նշել է, որ Վրաստանը շարունակելու է իր եվրաինտեգրման ուղին՝ հիմնվելով արժանապատվության, խաղաղության և զարգացման սկզբունքների վրա։ Նրա խոսքով՝ իրենք կկատարեն բոլոր գործնական քայլերը, որպեսզի 2030 թվականին Վրաստանը լինի լիովին պատրաստ Եվրամիությանն անդամակցելուն։