Վրաստանի նախագահ Սալոմե Զուրաբիշվիլին Վրաստանի «Առաջին ալիքին» տված հարցազրույցում անդրադարձել է հոկտեմբերի 26-ին կայացած ընտրություններից հետո իր արած այն հայտարարությանը, թե ընտրությունները կեղծելու տարբեր միջոցներ, այդ թվում, այսպես կոչված՝ «հայկական կարուսել» է կիրառվել:
Նախագահը բացատրել է՝ իր ասած հայտարարության մեջ ոչ մի էթնիկ հարց չի եղել:
«Ուզում եմ ասել հայերին, հայկական ծագում ունեցող (Վրաստանի քաղաքացիներին — հեղ.) և մեր հարևան հայերին, որտեղ ևս ռուսական քարոզչամեքենա է ակտիվ աշխատում, իմ ասած «հայկական կարուսել»-ում որևէ էթնիկ համատեքստ չկա: Դրա մասին մի ամբողջ թեմա էր շրջում… Սա այն տերմինն է, որը ես լսել էի, երբ առաջին անգամ եկա Վրաստան, դա Շևարդնաձեի ժամանակաշրջանն էր։ Նաև Սաակաշվիլիի օրոք է կիրառվել: Եթե չեմ սխալվում՝ Հայաստանում կեղծման այս ձևին «վրացական կարուսել» են կոչում: Այսպիսով, էթնիկ հարց սրա մեջ չկա»,- ասել է նախագահը:
Հետևեք մեզ տելեգրամում
