Իսրայելի պաշտպանության բանակը՝ ՑԱՀԱԼ-ը, մի քանի ժամվա ընթացքում 1,8 հազար ռումբ է նետել 500 թիրախի ուղղությամբ՝ Սիրիայի հակաօդային պաշտպանությունը ոչնչացնելու համար։
Սիրիական հակաօդային պաշտպանության համակարգը համարվում էր տարածաշրջանում ամենահզորներից մեկը, սակայն Սիրիայի նախկին կառավարության անկմամբ իսրայելական ուժերը արագորեն խախտեցին հանրապետության ինքնիշխանությունը և լայնածավալ օդային «արշավ» սկսեցին:
Ավելի վաղ Իսրայելի պաշտպանության բանակի մամուլի ծառայությունը հայտնել էր, որ երկրի օդուժը մի շարք զանգվածային հարվածներ է հասցրել Սիրիայում՝ թիրախավորելով վերջինիս ՀՕՊ համակարգը։ Հարձակմանը մասնակցել են Իսրայելի ռազմաօդային ուժերի հարյուրավոր կործանիչներ և այլ թռչող սարքեր։ Նրանց թիրախներն էին Սիրիայի ռազմաօդային ուժերի կործանիչները, մարտական ուղղաթիռները, անօդաչու թռչող սարքերը, թևավոր հրթիռները, հականավային հրթիռները և ռադիոտեղորոշիչ կայանները:
Հարվածները հասցվել են նաև սիրիական ռազմաօդային ուժերի մի շարք ավիաբազաներին, մասնավորապես՝ Դամասկոսի շրջանում։ Ի թիվս այլ բաների, ըստ իսրայելական բանակի, Դամասկոսի մերձակայքում ոչնչացվել են Սու-22-ի և Սու-24-ի երկու էսկադրիլիա։ Զենքի արտադրության և պահեստավորման օբյեկտները հարձակման են ենթարկվել Հոմսի և Սիրիայի այլ շրջաններում:
Հետևեք մեզ տելեգրամում
