Իրանի ԱԳՆ խոսնակ Էսմայիլ Բաղաեին մամուլի ասուլիսի ժամանակ անդրադարձել է Սիրիայում Իրանի դեսպանության վերաբացման հարցին:
«Ես չեմ օգտագործում «մոտալուտ» բառը: Սա նախապատրաստական քայլեր է պահանջում, ներառյալ՝ ներկայացուցիչների և աշխատակիցների անվտանգության ապահովման հարցում վստահությունը։ Այս հարցը օրակարգում է, և եթե պայմանները ապահովվեն, մենք դա կանենք»,- ասել է խոսնակը:
Բաղաեին ընդգծել է, որ Իրանը հավատարիմ է իր հարևանության քաղաքականությանը և ձգտում է ունենալ դրական ու խաղաղ հարաբերություններ տարածաշրջանի բոլոր երկրների հետ՝ մերժելով ցանկացած սպառնալիք հարևանների դեմ։
Հետևեք մեզ տելեգրամում
