Աբխազիայի նախագահի պաշտոնակատար Բադրա Գունբան առաջադրվելու է հանրապետության նախագահի պաշտոնում։ Նրա թեկնածությունն առաջադրել է նախաձեռնող խումբը։
«Քաղաքացիների նախաձեռնող խումբը, որը Բադրա Գունբայի թեկնածությունն առաջադրում է հանրապետության նախագահի պաշտոնում, եկել է Կենտրոնական ընտրական հանձնաժողով՝ թեկնածությունը գրանցելու»,-«Տասս»-ին ասել է հանձնաժողովի աշխատակիցը։
Հիշեցնենք, որ Աբխազիայի նախկին նախագահ Ասլան Բժանիան հրաժարական էր տվել նոյեմբերի 19-ին ընդդիմության հետ բանակցություններից հետո։ Ընդդիմությունը բողոքի ակցիաներ էր սկսել երկրում, քանի որ իշխանությունները մտադիր էին Ռուսաստանի հետ նոր ներդրումային համաձայնագիր կնքել, ինչը ռուս իրավաբանական անձանց թույլ կտար հանրապետության տարածքում ներդրումային ծրագրեր իրականացնել։
Հետևեք մեզ տելեգրամում
