Վրաստանի վարչապետ Իրակլի Կոբախիձեն ներքին գործերի նախարար Վախթանգ Գոմելաուրին նշանակել է փոխվարչապետ։
«Համապատասխան հրամանագիրն այսօր ստորագրել է Իրակլի Կոբախիձեն»,- ասվում է վարչապետի մամուլի ծառայության հաղորդագրության մեջ։
Այս որոշումից հետո Վրաստանը կունենա երեք փոխվարչապետ՝ առաջին փոխվարչապետ, էկոնոմիկայի նախարար Լևան Դավիթաշվիլին, պաշտպանության նախարար Իրակլի Չիկովանին և ներքին գործերի նախարար Վախթանգ Գոմելաուրին։
Դեկտեմբերի 19-ին հայտնի դարձավ, որ Միացյալ Նահանգները, որը երկար տարիներ եղել է Վրաստանի գլխավոր ռազմավարական գործընկերը, պատժամիջոցներ է սահմանել ներքին գործերի նախարար Վախթանգ Գոմելաուրիի և Հատուկ նշանակության դեպարտամենտի փոխտնօրեն Միրզա Կեզևաձեի դեմ։ Նրանք երկուսն էլ ընդգրկված էին Մագնիտսկու ցուցակում։
Ավելի վաղ, Մեծ Բրիտանիան նույնպես պատժամիջոցներ էր կիրառել ներքին գործերի նախարար Վախթանգ Գոմելաուրիի և գերատեսչության չորս այլ բարձրաստիճան պաշտոնյաների նկատմամբ։
Հետևեք մեզ տելեգրամում
