Մոսկվան հերքել է թուրքական ԶԼՄ-ներում տարածված տեղեկությունը, թե Սիրիայի նախկին նախագահ Բաշար ալ-Ասադի կինը՝ Ասմա ալ-Ասադը ցանկանում է ամուսնալուծվել և հեռանալ Ռուսաստանից: Այս մասին հայտնել է ՌԴ նախագահի մամուլի քարտուղար Դմիտրի Պեսկովը:
Մամուլի ասուլիսի ժամանակ Պեսկովին հարցրել են, թե արդյոք այս տեղեկությունը ճշմարիտ է, որին նա արձագանքել է՝ ասելով.«Ոչ, դրանք չեն համապատասխանում իրականությանը»:
Պեսկովը հերքել է նաև այն տեղեկությունը, թե Ասադի ունեցվածքը սառեցվել է:
Նշենք, որ թուրքական և արաբական ԶԼՄ-ներում տեղեկություն էր տարածվել, թե Ասմա ալ-Ասադը ամուսնալուծության հայց է ներկայացրել Ռուսաստանում և ցանկացել է հեռանալ Մոսկվայից: Ասադների ընտանիքն ապաստան էր ստացել Մոսկվայում այն բանից հետո, երբ զինված ընդդիմադիր ուժերը գրավեցին երկրի մայրաքաղաք Դամասկոսը:
Հետևեք մեզ տելեգրամում
