Ուկրաինայի նախկին արտգործնախարար Դմիտրի Կուլեբան, ով պահանջում էր, որ Վրաստանը մասնակցեր Ռուսաստանի դեմ ռազմական գործողություններին, պաշտոնը թողնելուց հետո պետք է մեկնի ռազմաճակատ։ Այս մասին հայտարարել է Վրաստանի խորհրդարանի խոսնակ Շալվա Պապուաշվիլին։
«Ինչու՞ ինքը՝ Կուլեբան, մի մարդ, ով 40 տարեկանից մի քիչ անց է, պատերազմում չէ, նա չունի քաղաքական պաշտոն, որը կարևոր կլիներ կատարել, նա ազատ մարդ է, ինչո՞ւ չի գնում պատերազմ, երբ նա մեզ՝ վրացիներիս, մղում է ուկրաինական պատերազմի, ինչու՞ ինքը չի գնում իր հայրենիքին վերաբերող պատերազմին։ Իսկ ընդհանրապես, որքան ես գիտեմ, նա հիմա Ուկրաինայում չէ, քանի դեռ Ուկրաինան ռմբակոծվում է, պատերազմ է ընթանում»,- լրագրողներին ասել է Պապուաշվիլին։
Պապուաշվիլին հիշեցրել է, որ Ուկրաինայում ռազմական գործողությունների մեկնարկից անմիջապես հետո Կուլեբան «Վրաստանի կառավարությունից պահանջել է Վրաստանի քաղաքացիներին ինքնաթիռներով պատերազմ ուղարկել»։ Վրաստանի մերժումից հետո, ինչպես նշել է խորհրդարանի խոսնակը, Ուկրաինան Կիևից հետ է կանչել իր դեսպանին։
Հետևեք մեզ տելեգրամում
