ՀՀ-ին սահմանակից Կարսում Թուրքիան ու Ադրբեջանը զորավարժություններ են սկսում

Թուրք զինվորականները նախօերին հատուկ արարողակարգով դիմավորել են ադրբեջանցի զինվորականներին, ովքեր Թուրքիա են ժամանել համաատեղ զորավարժություններին մասնակցելու նպատակով։

«Մենք կշարունակենք աշխատել Ադրբեջանի հետ՝ «Մեկ ազգ, երկու պետություն» սկզբունքով»,- հայտարարել է Թուրքիայի ազգային պաշտպանության նախարարությունը։

Ադրբեջանի առանձին համակցված բանակի դրոշակային վաշտը երթ-արշավ է իրականացրել «Նախիջևանից Սադարակ սահմանային անցակետով մինչև Արաքս գետի Ումիդ կամուրջ»։ Թուրքիայի զինված ուժերի համապատասխան դասակն էլ միաժամանակ Կարսից երթ է իրականացրել դեպի արարողության վայր։

Թուրք-ադրբեջանական «Ձմեռային զորավարժություններ 2025»-ը կանցկացվի Կարսում։

Ավելի վաղ ադրբեջանական կողմը հաղորդել էր, որ վարժանքների ընթացքում «զինծառայողները կկատարեն տարբեր մարտական առաջադրանքներ բնակեցված վայրերում՝ ձնառատ և ցրտաշունչ եղանակին դժվարանցանելի տեղանքում»։

Մասնակիցների թվի, կիրառվող զինտեխնիկայի մասին չի հաղորդվել։