Ֆրանսիան Սիրիայի նախկին նախագահ Ասադի ձերբակալության նոր օրդեր է տվել

Ֆրանսիայի հետաքննող դատավորները կրկին ձերբակալության օրդեր են տվել Սիրիայի նախկին նախագահ Բաշար ալ-Ասադին՝ 2017 թվականին Արաբական Հանրապետությունում քաղաքացիական օբյեկտների ռմբակոծմանը ենթադրյալ մեղսակցություն ունենալու համար: Այս մասին հայտնում է France-Presse գործակալությունը։

Օրդերը տրվել է Ֆրանսիայի Ազգային հակաահաբեկչական դատախազության (PNAT) պահանջով, որը հետաքննում էր 59-ամյա ֆրանսիասիրիացի Սալահ Աբու Նաբուի մահը: Ըստ դատախազության՝ Նաբուն մահացել է 2017թ․ սիրիական բանակի ուղղաթիռներից Դարաա նահանգում գտնվող իր տան գնդակոծման հետևանքով։ Դատախազությունը նոր օրդեր տրամադրել է այն պատճառաբանությամբ, որ Ասադն այլևս չի օգտվում դատական ​​գործընթացներից պետական ​​անձեռնմխելիությունից:

Սա Սիրիայի նախկին ղեկավարի ձերբակալության արդեն երկրորդ օրդերն է։ Նախորդը տրվել էր սիրիական զորքերի կողմից քիմիական զենքի ենթադրյալ կիրառման առնչությամբ։