15 տարվա դադարից հետո Սիրիայի անցումային կառավարության նախագահ Ահմեն ալ-Շարաան մեկնել է Թուրքիա: Այսօր նախատեսվում է նրա հանդիպումն Էրդողանի հետ: Այս մասին գրում է Al Arabiya-ն:
Al Arabiya-ի իրազեկ աղբյուրները հայտնել են, որ երկկողմ բանակցություններում մի շարք հարցեր են քննարկվելու: 4 աղբյուրներ հայտնել են, որ ալ-Շարաան բանակցելու է Էրդողանի հետ պաշտպանության ոլորտում համատեղ համաձայնագրի շուրջ: Համաձայնագիրը ներառելու է կենտրոնական Սիրիայում թուրքական ավիաբազաների ստեղծումը: Բացի այդ, քննարկվելու է Թուրքիայի կողմից սիրիական նոր բանակի վերապատրաստման հարցը։
Աղբյուրները հայտնում են, որ թուրքական ռազմաբազաները տեղակայվելու են Սիրիայի անապատային հատվածներում՝ Բադիայում: Ռազմաբազաները հնարավորություն են տալու Թուրքիային պաշտպանել Սիրիայի օդային տարածքը՝ հետագա հնարավոր հարձակումներից:
Հետևեք մեզ տելեգրամում
