Սիրիայի նախագահ Ահմեդ ալ-Շարաան պաշտոնական առաջին այցով մեկնել է Թուրքիա և հանդիպել Էրդողանի հետ: Այցի շրջանակներում կայացել է նաև Սիրիայի առաջին տիկին Լատիֆա ալ-Շարաայի և Թուրքիայի առաջին տիկին Էմինե Էրդողանի հանդիպումը:
Էմինե Էրդողանն առաջին պաշտոնական լուսանկարն է հրապարկել Սիրիայի առաջին տիկնոջ հետ:
Ուշագրավ է, որ Լատիֆա ալ-Շարաան վերջին շրջանում է միայն սկսել ներկայանալ հանրությանը: Օրեր առաջ, երբ Ահմեդ ալ-Շարաան մեկնել էր Սաուդյան Արաբիա, Մեքքա քաղաքում ուխտագնացություն է կատարել: Նրան առաջին անգամ ուղեկցել է կինը՝ Լատիֆան:
Ավելի վաղ Ահմեդ ալ-Շարաան հերքել էր մամուլում տարածված տեղեկությունը՝ թե 3 կին ունի, որոնիցից մեկից ամուսնալուծվել է: Ալ-Շարաան ասել է, որ նրա միակ կինը Լատիֆան է: Մամուլում նաև տարածված է, որ նրանք ունեն 3 երեխա: Սակայն այս տեղեկությունը ո՛չ հերքվել է, ո՛չ հաստատվել:
Հետևեք մեզ տելեգրամում
