Պուտինն Ահմեդ ալ-Շարաային շնորհավորել է Սիրիայի նախագահի պաշտոնը ստանձնելու կապակցությամբ

Փետրվարի 12-ին ռուսական կողմից նախաձեռնությամբ կայացել է ՌԴ նախագահ Վլադիմիր Պուտինի հեռախոսազրույցը Սիրիայի անցումային կառավարության նախագահ Ահմեդ ալ-Շարաայի հետ։ Զրույցի ընթացքում Պուտինը Ալ-Շարաային շնորհավորել է անցումային շրջանի Հանրապետության նախագահի պաշտոնը ստանձնելու կապակցությամբ, հաստատել է իր երկրի աջակցությունը Սիրիայի տարածքային ամբողջականությանը, ինքնիշխանությանը և կայունությանը, ինչպես նաև հայտնել է երկրի պատրաստակամությունը՝ վերանայելու նախկին վարչակարգի հետ կնքված պայմանագրերը։

Ահմեդ Ալ-Շարաան իր հերթին ընդգծել է երկու երկրների միջև ամուր ռազմավարական հարաբերությունները և Սիրիայի՝ բոլոր կողմերի համար բաց լինելը այնպես, որ դա ձեռնտու լինի Սիրիայի ժողովրդին և նպաստի Սիրիայում անվտանգության ու կայունության ամրապնդմանը: Զրուցակիցները մտքեր են փոխանակել նաև Սիրիայում տիրող իրավիճակի և նոր Սիրիայի կառուցման քաղաքական ճանապարհային քարտեզի շուրջ։

ՌԴ նախագահը ընդգծել է Սիրիայի դեմ տնտեսական պատժամիջոցները չեղարկելու անհրաժեշտությունը և Ռուսաստան այցելելու պաշտոնական հրավեր է ուղարկել Սիրիայի արտգործնախարար Ասադ Ալ-Շեյբանիին։