Հերթական հետապնդու՞մ, թե՞ ֆինանսական դժվարություն. ինչու՞ է փակվել ադրբեջանական ընդդիմադիր ԶԼՄ-ը

Ադրբեջանական «Թուրան» լրատվական գործակալությունը հայտարարել է, որ դադարեցնում է աշխատանքը։

Հաղորդվել է, որ գործակալությունը փակվում է ֆինանսական դժվարությունների պատճառով։

ՈՒշագրավ է, որ փետրվարի 5-ին գործակալությունը տեղեկություն էր տարածել, թե Սանկտ Պետերբուրգ մեկնող Ադրբեջանի նախագահի ինքնաթիռը բախվել է GPS-ի հետ կապված խնդիրների։ Սակայն օրեր անց լրատվամիջոցը հերքել է այս տեղեկությունը:

Նշենք, որ վերջին օրերին Ադրբեջանը դադարեցրել էր նաև USAID-ի և «Մոսկվայի տան» գործունեությունը: Ադրբեջանական մամուլում կար տեղեկություն, որ ընդդիմադիր «Թուրանը» ֆինանասվորումը ստանում էր USAID-ից: Մեկ այլ վարկածի համաձայն՝ ադրբեջանական իշխանությունները ձգտում են տեղեկատվական դաշտն ամբողջությամբ պահել իրենց ձեռքում: Բաքվում լրագրողների նկատմամբ հետապնդումներն այնքան մեծ ծավալի են հասել, որ լրագրողների պաշտպանության միջազգային կազմակերպությունները կոչ են արել Ադրբեջանի իշխանություններին անհապաղ ազատ արձակել ձերբակալված լրագրողներին և դադարեցնել ճնշումներն անկախ լրատվամիջոցների նկատմամբ։